ATA O LUNS!!!
Ola
nenas e nenos de 4º
Como xa
sabedes, os vindeiros días 19, 20, 21 e 22 non se consideran lectivos e será, sen dúbida, unha ponte atípica, así que seguiremos coa
formación non presencial o luns día 23 de marzo.
Durante estes días hai varias datas destacadas:
Xoves 19 de marzo: Festivo, San
Xosé. Día do Pai. PARABÉNS!
Venres 20 de marzo: Festivo de
Centro. Tamén comeza a PRIMAVERA!
Sábado 21 de marzo: Día Mundial
da Poesía.
Domingo 22 de marzo: Día Mundial
da Auga.
En
relación con algunhas destas datas propoñeranse actividades o vindeiro luns.
Se
mentres queredes seguir facendo algunha actividade do Colexio, podedes revisar os
anteriores posts, ou tomar como referencia a Proposta xeral de actividades de 4º EP (o primeiro post).
Aproveito
para recordarvos que nós propoñemos actividades e recursos, porque seguimos
traballando na vosa formación, pero non é necesario que as fagades todas nin que
fagades todas o mesmo día que as subimos. Escollede coa axuda das vosas familias na medida
das posibilidades! E se hai algunha dúbida atenderémola nos días lectivos a través do correo
electrónico do Centro.
Os crocus anunciaron hai xa unhas semanas que a primavera estaba a chegar
Un avance...con moita arte!
A primavera na pintura 🎨
Unha das pinturas máis famosas da
historia da arte é A primavera de Sandro Boticelli. Pintouna
cara 1480 e atópase actualmente na Gallerie degli Uffizi (Florencia, Italia).
Mide nada máis e nada menos que 207 x 319 cm!
Queres vela dende a casa?
Preme
na ligazón: https://www.uffizi.it/opere/botticelli-primavera
Se
che gustou e queres vela mellor, ampliándoa para percibir todos os
detalles, podes facelo grazas á tecnoloxía HD. Preme na ligazón:
E na música 🎼
Apetéceche escoitar A primavera, de Vivaldi? 🎻
Preme na ligazón: https://www.youtube.com/watch?v=7KQdewGbQIw
(VIVALDI. As catro estacións. A primavera. 3º Movemento)
...e cuns exercicios de Ioga para relaxarnos e mobilizarnos!
Preme na ligazón: Ioga todos os días
Unha forte aperta 😊
Titor de 4º EP
